Monday, October 02, 2006

الأراجوز يا اخونا. . . .

باحب الأغنية دي جداً، وبعدين لما ربنا فتح عليا بالـ "دي إس إل"، عقبال يا رب كل السامعين، قعدت أنعكش علي الأغاني التايهة مني، وإذ فأجأة، لقيت الأغنية يا ولاد، أغنية لطيفة جدا ،سيد حجاب مبهر كالعادة، وألحان عمار القريبة معظم الوقت،هوا بس لو يفكه من تلحين أغاني للريس هيبقي حاجة عظيمة فعلاً، والأداء الحقيقي لعمر الشريف. . .والفكرة كمان مصرية حتي النخاع، حيث أن الفن الشعبي وعلي رأسه الأراجوز من أهم الميكانزيمات الدفاعية لشعبنا المغلوب علي أمره معظم الوقت. . .قشطة عليكوا رمضان كريم ، ومش مبارك ولا حاجة، أنا أسفة اني بقالي كتير مش بأكتب، قال يعني حد مهتم. . . .
المهم اسمعوا الأغنية وقولوا لي رأيكوا
أغنية أراجوز - من فيلم الأراجوزكلمات: سيد حجاب
ألحان: عمار الشريعي
أداء :عمر الشريف


أراجوز .. أراجوز .. إنما فنان
فنان .. أيوه .. إنما أراجوز
و يجوز يا زمان أنا كنت زمان
غاوي الأرجزة طياري .. يجوز
إنما لما الكيف بقى إدمان
باجي أبص لشيء واحد أرى .. جوز
أرى إيه؟ أرى إيه؟ أرى أرى أراجوز
***
فلسان .. كحيان .. أيوه أنا فلسان
إنما برضك .. راجل إنسان
بأضرب بالألف لسان و لسان
و باكلها بعرقي .. و مش إحسان
راجل و الرجولية لا عضلات
و لا ألابندة و سيما و حركات
الرجولية الحقيقية ثبات
قدام جبونية أي جبان
****
أراجوز أنا و أحمي أرى أرى إيه؟
أحمي قراريط الناس من مين؟
من الناس الأرى أرى إيه أرى إيه؟
من الناس القراميط الملاعين
ماهو أصل أنا مش من الأرى أرى إيه
مش من القراطيس
و لو الحال مال مقعدش أنا على
أرى إيه أرى إيه؟ .. قرافيصي و أطنش ع الأندال
لازم أشك الأندال مهموز
و أدوس ع اللي افترى و العنطوز
م أنا أرى إيه أرى إيه؟؟ أرى أرى أراجوز
****
أراجوز .. و شجيع .. و الدنيا ميدان
فارس .. حارس .. واقف ددبان
و إذا بان للشر نيبان و زبان
باحمي الغلبانة و الغلبان
و شجاعتي ماهياش في الطاخ طيخ
دي شجاعة تفكير و تماخيخ
الأرض أضربها تجيب بطيخ
بذكاوتي و أخللي الخلا بستان
****
أراجوز أنا .. و الدنيا أرى إيه؟
قرشانة و احنا شبر شبيط
ياما قرمتني و أرى أرى إيه؟
قرصتني ف لباليبي و أنا كبير
فسرحت أنفخ أرى إيه أرى إيه؟
أراغيلها و أغني يا ليلي يا عين
و أتمسخر على أرى إيه أرى إيه؟
أراذلها الفجرة الطماعين
و أضَّحَك كل صبي و عجوز
ع اللي بيتنطط فرقع لوز
مانا أرى أرى إيه؟ أرى أرى أراجوز
****
أراجوز .. و سايقها هبل في جنان
و أنا قلبي .. ملان جدعنة و حنان
و أبان ساهي سهتان سهيان
إنما عقلي للعدل .. ميزان
أنا فلتة .. إنما مش فلتان
و ساعات حرنان .. و ساعات زنَّان
يمكن علشان وحداني .. ما ليش أراجوزة تاخدني بالأحضان
****
أراجوز أنا .. و أقدر أرى أرى إيه؟
أراعيكي و أشيلك في عيوني
و إذا مرة زعلتي أرى أرى إيه؟
أراضيكي بعقلي .. و بجنوني
حُطِّي من السما على أرى أرى إيه؟
أراضيّه و اسلِّم لِك أمري
و كُلِي معايا في أرى إيه أرى إيه؟
قروانتي يا كروانة عمري
و بَدَل مانا كده ملوي الَبَزبوز
أصبح لك جوز معزوز محظوظ
إيه يا ترى إيه؟ أرى أرى أراجوز
أرى إيه؟ أرى إيه؟ أرى أرى أراجوز

كلمات الأغنية نقلاً عن مدونة الأغاني

8 comments:

Anonymous said...

شكرا سمسة بحب الأغنية دى جدا
تحياتي

شمعى أسعد said...

عجبتنى كأنى بأرى أرى إيه
بقراها لأول مرة كمان
مع إنى يدوب من أرى أرى إيه
قريب لسة سامعها كمان
ولما قريتها ها أرى أرى إيه
هارجع واسمعها كمان وكمان

Simsima said...

قطر الندي . . العفو يا جميلة ،زورنينا تجدوا ما يسركم. .
شمعي . . .دمك خفيف فعلا مع اني كنت أرا ايه أرا ايه قررت أني ما أضحكش انهاردة

eshteraky said...

طبيعي ماتحسيش ان في حد مهتمة , او بالاحري انت مش عايزة تحسي بكدة ماتردي يا ستي ع الموبايل

so7ab said...

ياه فكرتينى بالاغنيه دى

الغنيه ديه اكت حاجهعلقت فى بالى من الفيل بس دايما كنت بشخرمها لما اغنيها علشان مش حافظها بس بقول انى ال ايه محافظ على اللحن

مبروك ال " دى اس ال " اخيرا

: )

Simsima said...

عمر..وحشتيني حبه ياما، أنا آسفة لو كنت ما بردش علي تليفونات الفترة اللي فاتت. . .
صحاب. . .احفظها بقي كويس و متشخرمهاش تاني،أما بخصوص ال "دي إس إل" فعقبال عندكوا ;)

Anonymous said...

كان زمان وجبر! الأراجــوز حالياً أصبح على القمة. الأراجــوزات يحكمون مصر يا بنتي! أراجوز زمان ده خلاص بح! دلوقت المحظوظ هو اللي يلاقي فرصة يشتغل أراجوز! اتفرجي على مجلس الوزرا أو اللي في أي مواقع قيادية. أراجوزات آخر موضة. ومنذ لفت د. يونس انتباهي لهذه النقطة, وأنا أنفجر ضاحكة, كلما شفـت وافحد منهم. شكله بيقول: أنا أراجوز!
لمياء السحراوي
الدكتور أحمد يونس يكتب:

هل هذا هو آخرة صـبرنا؟

أراجــوزات على سنجـة عشرة. بالملابس الرسمية, أو الكاجـوال الذي ينم عن الرغبة في تمثيل دور المتبسط, تقليداً لما جاء في أحدث كتلوجـات إيف سان لوران, فإذا بالنتيجة صورةٌ كاريكاتوريةٌ من طبقة النبلاء المنقرضة في أوربا, كما يقدمونها هناك الآن مع المـارتيني المـغشوش في حانات البـغــاء المرخص. أراجــوزات بالآلاف, تتكاثر كأرانب الهندسة الوراثية في أنابيب الاستنساخ. لا أحد يدري لماذا أو كيف أو متى تسللت إلى الوظائف العليا بالدولة من القـمة إلى القاع, لتدير أخطـر شـئون الوطن. فهل هذا هو آخرة صـبرنا؟ هل هذا هو آخرة صـبرنا؟
كالكوميديا السوداء يبدو المشهد الغريب, كلما انتحلوا على الملأ شخصيات القادة المحنكين أو رجــال البــر والإحســان أو الذين ينحدرون من أصـول أرسـتقراطية أو من هم أدرى منا بمصلحتنا. المكـياج الثقـيل تذيبه الحرارة العالية المنبعثة من كشافات التصوير, فتظهر على حقيقتهـا الوجوه المبطنة بألياف الكـيزوفوستر التي تدخل أيضاً في صناعة خراطيم المطافي. البويات الزاعقـة الألوان, فضلاً عن مجموعة الإكسسوارات المساعدة الأخرى, كالسيجار أو الشعر المصبوغ أو النظـر من طرف العين, كما لو أن الواحد من هؤلاء يبحث عن الكائنات المتناهية في الصغر التي تتشرف بالحديث إليه, كاصطناع الأهمية أو القفا الملمع بورنيش البركـيه أو الكلام من الأنف أو التظاهر بتدوين الملاحظات أثناء الاستماع أو التباطؤ المتعمد في نطق الألفاظ, كلها فـشلت في مـداراة أن ما نراه أمامنا على المنصة أو من خلال شاشة التليفزيون ليس سوى عصـابة الدمى الخشـبية التي تحكم مصر الآن. الأيدي التي تحرك خيوطهـا من وراء السـتار لم تعد حريصة على التخفي كما كان يحدث سابقاً. اللعب أصبح على المكشوف, ولا يوجد من يستطيع أن يدعي أنه لا يعرف.
أعترف بأنني كنت مخطئاً حين تصـورت أن الأصــل في الأراجوز هو أنه من الـشعب. يختاره المواطن البسيط, ليسخر بالنيابة عنه من السلطان أو العصابة الطفيلية التي تعيش في كنفه, ومن فارضي الضرائب أو محـتسبي الأسواق أو البصاصين أو باعة الوهم. يختاره المواطن البسيط, ليثأر بالنيابة عنه من العسس أو محترفي التعذيب الساديين أو كـدابين الزفة أو مشايخ البلاط المعوقين أخلاقياً, أو الذين ينتقدون السلطان من باب العشـم, ليستولوا هم ـبدلاً من مشايخ البلاطـ على أنجـر الفتة, ومن سواقط القيد الذين يتجمعون ـكالصديدـ في مَواطن الألم. هذا هو الأصل في الأراجوز. لكن من الواضح أن الدنيا تغيرت.
المشكلة أن التأرجـز ـكالطاعون الأسودـ عدواه سريعة الانتشار, وأن المصابين يفقدون نهائياً القـدرة على الشـعور بالخجل. حتى على الشـعور بالخجل. تلك هي إحدى المزايا الضخمة التي تتمتع بهـا القلوب الخشبية...!

هلوسة آخر الليل

الدستور / الأربعاء 8 نوفمبر 2006

Anonymous said...

howa meen beyghanny el oghneya elli shaghala de w esmaha eih !?