Thursday, October 12, 2006

Happy Birthday to me!!!



زي انهاردة من 24 سنة شرفت جنابي في الدنيا العجيبة دي، وكل سنة تعدي أبص في المرايه بإندهاش متكرر وأسأل نفسي سؤال وجودي عميق"هوا أنا ايه اللي جابني هنا ؟!!!!!!!!!!!!!!" ، عندي احساس غريب ان انا بقالي كتير أوي عايشة ، وعلي رأي عمكوا عبد الوهاب "جئت من حيث لا أعلم ولكني أتيت!" وعلي رأي عمنا كلنا جاهين :
مرغم عليك يا صبح ،مغصوب يا ليل
لا دخلتها برجليا ولا كان لي ميل
شايلني شيل ،دخلت أنا في الحياة
وبكرة هاخرج منها شا يلني شيل
عجبي!
وبهذه المناسبة الكونية العويصة اللي ما بتتكررش في تاريخ البشرية وأحب أنوه يعني ان اليوم دا مش أي يوم حيث ان هو عيد ميلاد الزلزال مش بس عيد ميلادي، الزلزال كان برضه في 12/10/1992 وأنا 12/10/1982، مش أي حاجة يعني . . .
واسمحوا لي أهدي نفسي الأغنية دي في عيد ميلادي. . . . . .

25 comments:

Simsima said...

والله يا واد يا حرنكش هيا دي الصحاب وإلا فلا. . .
وأجيب لكوا هدايا كمان

الله علي الحياة بقي لونها شفتشي فعلا. .
قشطة عليك
أشوفك قريب

salma said...

سمسووووووووووووومة كل سنة و أنت طيبة يا قمرة.و عقبال لمى أشوف عيالك عندهم 24 سنة ,مواه

Anonymous said...

كل سنة و أنت طيبة يا سمسمة و يارب تكوني مبسوطة و مفرفشة و اّخر نعنشة و حلاوة

Anonymous said...

كل عام وانمت بخير
مع انى كنت اتمنى ان تهدى لنفسك اغنية اخرى لسعاد حسنى
ولكن ما علينا
الاغنية دى فيها على منظر كلمة اللحمة بسبعة جنيه واحدة بنت ايه رأيك يا سمسم
وكل عام واحنا جميعا لا مؤاخذة بخير

Lasto-adri *Blue* said...

اه كل سنة وانت طيبة لاموأخذة

وعقبال ما تبقى الحياة لها لون
:)

Simsima said...

سلمي الجميلة وانتي طيبة يا قمرة ،عيال ايه يا بنتي في الزمن الأغبر دا، ربنا يعدينا منها علي خير. . .
قطر الندي . .وانتي طيبة يا جميلة
Lasto-adri *Blue,وانتي طيبة بس مش عارفه ليه لامؤاخذة

Anonymous said...

كل سنة وانتي بطوط زي العسل
بس اوعدك السنة الجاية مش هتصل بالراجل الرخم واصحيه من النوم
وهتصل بيكي انتي ياجميل
بس انتي ضحكتي عليا ومردتيش على موضوع الكيش
ali

Simsima said...

ميرسي يا علي ،وانت كمان بطوط. .وانت كمان ضحكت عليا وما كتبتش التعليق اللي انت قولتلي ان انت هتكتبه

عمرو عزت said...

كل سنة و انت طيبة و عندك احلام و طموحات جديدة

حاجات معقولة
مش لازم كيتشات

Simsima said...

وانت طيب يا عمور

alnadeem said...

كل سنه وانتي طيبه يا سمسمتي الجميله والسنه اللي جايه كده ان شاء الله تبقي
تبقي أيه ؟
تبقي زي ما نفسك تكوني
وحشانننننيييييييييييييي

Simsima said...

وانت طيب يا عم عمر يا قناوي

Anonymous said...

كل سنه وانتى طيبه ياقمر
انا مش عارفه انتى فاكرانى ولا لأ
بس أنا اعرفك من كتير قوى
وهابقى أسلملك على حبايبك اللى كانوا فى علوم القاهره

مراقب مصري said...

مش هتتخيلي أنا عترت على مدونتك إزاي

سيبك من أنا انتي بتدوني عند عمر قناوي صاحبي واتكلمنا سوا هناك

أنا ما دخلتش عندك من المدخل دا

أنا كنت بادور على جوجل على كلمات أغنية أيمن بهجت قمر العبقرية بتاعت لا باظت ولا خربت

وشوفي بقى الصدف
ألاقي أول نتيجة للبحث هي مدونة اسمها تفاصيل
عادي إيه المشكلة... تفاصيل تفاصيل المهم آخد اللي انا عايزه وامشي

لاقيت إنك محتفلة بعيد ميلادك
قلت أجامل وانا معدي

برضك عادي
اللي مش عادي بقى إني لقيتك بتدونس باسم سمسمة
وإن عمر صاحبي معلق عندك
وإنك انتي سمسمة اللي شفتها عند عمر
شوفي محاسن الصدف

مكتوب لنا نتقابل صدفة
وأهنيكي بعيد ميلادك صدفة

كل سنة وانتي طيبة
عيد ميلاد الزلزال دا برضه عيد جواز أبويا وامي
شايفة الفال؟

يا ستي كل سنة وانتي طيبة
ومدونتك أوسع وأحلى وتساع م الحبايب ألف ومية

ابقي عدي

Simsima said...

وينكي. .
علوم القاهرة. . .ممممممم يبقي أكيد أعرفك.بس ممكن تقولي لي مين، وعموما سلمي لي علي كل اللي بتشوفيهم
Reformer1976
يا افندم والنبي دي خطوة عزيزة وزرانا النبي والله، ويا محاسن الصدف فعلا،وحاجة تشرفني ان عيد ميلادي يوافق عيد جواز باباك ومامتك، ودا ان دل علي شئ فدا يدل علي كونية هذا اليوم. . .قشطة، ابقي زونا كتير.
شوبش
يا ابني أهم من الملكة اليزابيث بكتييير دا أنا بأحتفل بعيد ميلادي دا أربعين يوم بحالهم،امال انت فاكر ايه!!!

حدوته مصرية said...

كل سنة وانتى طيبة

so7ab said...

كل سنه وانتى طيبه يا جميل

انا عارف انى متأخر موت بس انتى عارفه انا كمان كنت بحتفل بشهر ميلادى محنا يوم الزلزال بقه زى بعضينا

واكيد السنه الجايه احلى وسلام كبير للموازين

Simsima said...

وانت طيب يا محمد وابقي زورنا كتير

Simsima said...

ٍSohab Pasha
يا افندم دا واجب علينا، يقولك الكبير هو اللي لازم يوجب مع الصغير أي نعم احنا عيد ميلادنا في يوم واحد بس أنا سبقتك بسنة يا قمر. .
وسلام مربع لكل الموازيين

^ H@fSS@^ said...

kol sana wi enta taybah.
ta7eyati

Hanytoto12 said...

كل سنة وإنتي معايا وقريبة مني وبقولها قدام كل الدنيا من هنا
بحبك يا أسماء
وإنتي عارفة إنتي بالنسبة لي إيه

Lasto-adri *Blue* said...

كانت دعابة "لامؤخذة" يا سمسمة... حسيت من كلام المدونة يعنى

النهاردة عيد ميلادى و استفتحنى شفتشى لامؤخذه

فاقلتها

:)

عموما كان غرضى المداعبة فى صبحية عيد الميلاد

Simsima said...

hafsa
شكرا لمرورك الأول، وانتي كمان طيبة وجميلة
Hany toto 12
وأنا كمان بحبك جدا وانت عارف كويس ان انت من أقرب الصحاب ليا وبعدين دي مش عشرة سنة ولا اتنين دي عشرة 7 سنين.كل سنة واحنا اصحاب.
Lasto-adri *Blue*
شكرا لإيضاح يا قمر

Just Me said...

كل سنة و انتى طيبة

منتديات said...

Thanks for your

منتديات

زفات العروس

دردشة

شات

شات صوتي

مواضيع اسلامية

مواضيع عامة

Department of English Language

مكتبة مجنونات

أخبار الحوادث و الجرائم - اثارة

الترحيب و التعارف

همس القصيد

الخواطر وابداع الاقلام

Stories - قصص - قصص قصيره و الألغاز

الحياة الزوجية

عالم الرجل - ازياء - موضه - ماركات

ازياء واكسسورات

مكياج وشعر

ديكور - أثاث - غرف نوم - مطابخ - حمامات

صحة - طب بديل - تغذية - أعشاب - رجيم - اطفالنا

الطبخ والمأكولات

الفن والفنانين

الفيديو والافلام

الصوتيات و المرئيات و الفضائيات

الأغاني و الفيديو كليب

مقاطع الاغاني , اغاني

صرقعة و تنكيت وضحك

العاب الكمبيوتر اثارة

مسنجر - برامج ماسنجر - توبيكات

توبيكات

صور - كاريكاتير - مناظر

الرياضة والرياضيين

السيارات Motorcycles - Cars - سيارات - دراجات

سياحة وسفر

تطوير المواقع ، هاكات و سكربتات

الكمبيوتر و الإنترنت

بلوتوث - مقاطع جوال - فيديو الجوال

تصاميم و جرافكس - فلاش - سويتش - دروس

اسماء ومعاني

العاب فلاش

مكتبة البرامج

ماسنجرات

حكم وامثال

اسلاميات

المركز الاخباري

صحف ومجلات

تداول الاسهم

دليل المواقع

قصائد مسموعة