Sunday, December 17, 2006

نفسي أهتف بقي. . .يسقط يسقط حسني مبارك


مش عارفة بقي أكبر دماغي، مرة وأنا ورشا كنا بنتفرج علي الجزيرة وكانت أخبار فتح وحماس ورشا قالت لي بقلق حقيقي كدا الدنيا هتولع في فلسطين، قلتها واحنا مالنا يا ست ايكشي تولع، ردت عليا وقالت انت جلدك بقي تخين أوي، أنا كنت بأحاول ألعب دور المصري المنفض ، بتاع يا عم هيا بلد أبونا، بلدهم وهما أحرار فيها ،بس حقيقي لما قريت قصة اغتصاب عماد الكبير علي صفحات جريدة الفجر- وللصحفي وائل عبد الفتاح تحية تقدير - الدم غلي في عروقي جدا ، ولما كنت باتفرج علي موضوع التوربيني في برنامج الحقيقية في دريم، مش عارفه حسيت ليه ان موضوع التوربيني دا نصابية من الأمن زي موضوع سفاح بني مزار اللي وجعوا دماغ أبونا بتحرياتهم الدقيقة اللي طلعت فاسكونيا طبعا في الآخر، يعني لما تشوف صورة التوبيني وتسمع كلام اهله وجيرانه تعرف ان يستحيل انه يعمل كل الجرايم دي ، بجد بقت حاجة تقرف ، اللي هوا يعني يسقط زفت الطين مبارك والعادلي وكل عصابة المجرمين اللي بتحكمنا نفر نفر
آه علي فكرة الصورة دي من عند الفنان المثقف الواد الحاج جرجس

9 comments:

مراقب مصري said...

ههههههههههههه
أنا بشبِّه ع الصورة دي
شفتها فين يا واد ياجرجس
شفتها فيـــــــــن

أيوة افتكرت دا كانت آخر صورة شفتها قبل ما نشرف سوا ف طرة العمومي

ههههههههههههه

(يعني حتى من باب الملكية الفكرية قولي إن الصورة من عند الواد جرجس واعملي لي شوية دعاية... ههههههه نهاره أبيض)

موضوع عماد يا سمسمة دا بجد هو ونجاح إضراب غزل المحلة ما إلا بشاير ولادة مصر من جديد

Simsima said...

يا باشا ياواد ياجرجس،انت عارف بقي الزهايمر والنعمة نسيت ،بس حالا يا باشا هاعمل ايدت للبوست وأصلح غلطتي وبعدين يا باشا انت أشهر م النار ع العلم
المهم عايزين ننسق سوا يوم 30 ديسمبر ابعت لي بقي خلينا نتفق

SomeOne said...

من فضلك اقرأي
البوست ده

http://shidwik.blogspot.com/2006/12/blog-post_15.html

مراقب مصري said...

الفنان المثقف الواد الحاج جرجس

هههههههههههه
مش عارف ليه فكرتني كلمة المثقف دي بفيلم "فيلم ثقافي"... لما كانوا بيطلقوا كلمة مثقف على الشخص الذي لديه رصيد أكبر من "شرايط الثقافي"... بس طبعا أنا ماليش في الثقافي دا خالص

ههههههههههه

المهم بقى
أولا: فين الزفت مكتب اليون إن الإعلامي دا؟
اللي يوصف مكان مش يقول هو فين وشارع إيه وجنب إيه وقصاد إيه؟
ولا أتوه أنا ؟ واروح لبتوع أمن الدولة أسألهم فين المظاهرة والنبي؟

ههههههههههه

بالنسبة للتلاتين من ديسمبر
هبعت لك إيميل

(شيلي دين أم الورد فريفيكيشن اللي حطاه دا ومطلع دين أبونا)

Simsima said...

شادي
هاقرا البوست يا جميل
الواد الحاج جرجس
يا باشا مكتب المفوضية قدام الجنينة اللي كانوا معتصمين فيها جنب جامع مصطفي محمود اللي في المهندسين
ومعلش ايه الورد فريفيكيشن دي عشان مش عارفه والنعمة
موبايلات بقي يا مشمش

واحـــد مـــــن الـنـــاس said...

على فكرة
انا كمان نفسي اهتف والله

على فكرة انا كمان شاكك في موضوتع التوربيني ٍبس الحكاية دي مش مفضوحة زي حكاية بني مزار
دي مسبوكة شوية

يالا الايام هتكشفلنا

ابوجلال المصرى said...

السلام عليكم
كالعاده اسماء اسماء
والمره الجايه راح تكونى فين؟
احنا مش بنحبه صحيح بس هو رئيس الدوله ولو عايزه تنقضيه يبقى النقد بناء ولو هو وحش خاليكى انت حلوه
احنا خايفين عليكى ياجميل
شكرا

Anonymous said...

تسقط انت ياللى كاتب الموضوع
ايه قله الادب
انت مين علشان تقول كده
تلافيك شخص تافه
حرام عليكم احترموا الاكبر منكم سنا ومكانه

منتديات said...

Thanks for your

منتديات

زفات العروس

دردشة

شات

شات صوتي

مواضيع اسلامية

مواضيع عامة

Department of English Language

مكتبة مجنونات

أخبار الحوادث و الجرائم - اثارة

الترحيب و التعارف

همس القصيد

الخواطر وابداع الاقلام

Stories - قصص - قصص قصيره و الألغاز

الحياة الزوجية

عالم الرجل - ازياء - موضه - ماركات

ازياء واكسسورات

مكياج وشعر

ديكور - أثاث - غرف نوم - مطابخ - حمامات

صحة - طب بديل - تغذية - أعشاب - رجيم - اطفالنا

الطبخ والمأكولات

الفن والفنانين

الفيديو والافلام

الصوتيات و المرئيات و الفضائيات

الأغاني و الفيديو كليب

مقاطع الاغاني , اغاني

صرقعة و تنكيت وضحك

العاب الكمبيوتر اثارة

مسنجر - برامج ماسنجر - توبيكات

توبيكات

صور - كاريكاتير - مناظر

الرياضة والرياضيين

السيارات Motorcycles - Cars - سيارات - دراجات

سياحة وسفر

تطوير المواقع ، هاكات و سكربتات

الكمبيوتر و الإنترنت

بلوتوث - مقاطع جوال - فيديو الجوال

تصاميم و جرافكس - فلاش - سويتش - دروس

اسماء ومعاني

العاب فلاش

مكتبة البرامج

ماسنجرات

حكم وامثال

اسلاميات

المركز الاخباري

صحف ومجلات

تداول الاسهم

دليل المواقع

قصائد مسموعة