Happy Valentine's day 3aliko

ولو اني مش مع الإحتفال بأعياد الإمبرالية دي ، انما قشطة

كل سنة وانتوا أطيب

متهيألي في الأيام الغامقة اللي احنا عايشنها دي المفروض كل واحد ينتهز أي فرصة عشان يقول لأي حد كل سنة وهوا طيب

يا رب كلكوا تقضوا يوم جميل ، مليان حب بجد

وعلي رأي عمكوا جاهين

أحسن ما فيها العشق والمعشقة

وشويتين الضحك والتريقة

عيد الحب دا بالنسبة لي جميل أوي

أول مرة من زمان أحس اني مبسوطة وحاسه كويس تجاه نفسي وبحب كل الناس اللي حواليا

والله لو كان بإيدي كنت أخدت بوكيه ورد بلدي أحمر كبير ومشيت أوزع علي كل واحد أقابله وردة

عارفين بجد بقيت مصدقة جملة ناظم حكمت . . اليوم الأجمل هو الذي لم يأتي بعد