Wednesday, October 15, 2008

منير يغني في عيد القوات الجوية وحزام عفة للسيدات ...يالهوي يا اما



والنعمة مؤامرة ، امبارح كنت مروحة مبسوطة أوي، بعد يوم بناتي أمور في سينابون المهندسين مع داليا ودنيا ورشا ، قررنا اننا نعمل فيها بنات المهندسين وكدا يعني ،قوم ايه بقي قررنا نروح سينابون ،حيث ان الحلم دا كان بيراودنا عن نفسنا أنا وداليا، المهم يعني سينابون دا أمور أخر حاجة، القعدة كانت لطيفة أوي ، فروحت بقي مبسوطة يعني وكون سعيد وكدا....روحت لقيت ماما كمان عامله أكل حلو أوي..فقلت ايه الحلاوة دي، المهم يا اصحاب قعدت اتفرج ع التلفزيون وجت ع الفضائية المصرية ، لاقيت منير ف حقلة لايف قلت بس دا كون سعيد بجد ، وكان بيغني يونس ، اقعد اتفرج مافيش ثانيتي الاقي الغراب مبارك قاعد، يانهار يانهار، لاقيت منير قال ايه بيغني في عيد القوات الجوية ، ووراه ع المسرح "إلي العلا في سبيل المجد" مصدقتش نفسي وجالي صدمة نفسية علي أساس العاطفة ، منير بيغني لمبارك زيه زي الحاج محمد ثروت، أحيييييييييييييه، كنت بتشال واتهبد قدام التلفزيون لدرجة ان ماما شكت ان جالي صرع....وراحت دماغ سينابون :(

المهم منير كان بيغني لجثث حوالي ست ترابيزات كتير والغراب قاعد ومعاه لفيف من الغربان، علي رأسهم الغراب النظيف الطويل، وقال ايه كان بيغني ببجاحته "يا عروسة النيل"،"الليلة يا سمرة ، " ويونس"قدام شوية عسكر وحرامية، منير كان بيدن في مالطة ، وكمان كان لابس قميص أبيض ومكوي كمان، كان بيغني من غير حد ما يبربش مش يصقف وينكت نفسه زي ما بيعمل في حفلة الأوبرا وفيه أكتر من 20000مواطن بيغنوا معاه،حسيت ان منير ساعتها عامل زي الأرجوز أو المهرج اللي كانوا بيجبوه زمان عشان يضحك السلطان،ما علينا نمت وأنا متنكدة ودمي محروق ، صحيت الصبح علي رأي جاهين شاعر براحة وصفا صحيت بدري الساعة 7 وكان اليوم لطيف جدا ، رحت الشغل يا اخونا عملت مج القهوة العظيم ومع سيجارة الصباح باشوف الفيس بوك ، ف الإنبوكس لاقيت مسج من
"كلنا ليلي"بيقول ايه ف العنوان"حزام للعفة غير قابل للصدأ"قلت دا أكيد افيه ، لاقيته بجد
دا كان لازم تشوفه عشان تعرفوا قد ايه الناس بتتعامل مع الستات بشكل منحط
في سنة 2008 لسه الناس بتفكر ف الست زي ما كان بيحصل في القرون الوسطي "أعلنت إحدى الشركات التجارية عن تسويق "حزام للعفة" كانت ترتديه المرأة في أوروبا في العصور الوسطى وذلك حماية لها من الاغتصاب."

صرحت صاحبة الشركة، بأن المستهلك المستهدف هو الزوج الذي يشك في عدم إخلاص زوجته له, وأولياء أمور الفتيات المراهقات . والمرأة التي تخشي وقوعها ضحية للاغتصاب.وأضافت أنها نجحت في الحصول على امتياز توزيع هذا النوع من أحزمة العفة في آسيا وفي بلدان الشرق الأوسط.
تخيلوا رجعنا للعصور الوسطي واحنا في القرن الواحد وعشرين ، لما كانوا الرجالة ساعة الحرب لازم يتأكدوا ان حزام العفة دا موجود عند مراته وقافله بالمفتاح ، وهو بس اللي معاه المفتاح دا ، تخيلو مدي الحقارة اللي وصلنلها...اللينك دا فيه تفاصيل الخبر...
http://www.alarabiya.net/articles/2005/09/28/17199.html
واتعكنن مزاجي للمرة التانية رغم تأثير سينابون العظيم....كتير عليا يارب :
يعني منير يغني للقوات الجوية وحزام عفة ف 2008 وعايزيني أكسبها
:(

9 comments:

^ H@fSS@^ said...

انا بعد كدا اللي حيقولي نكسبها حديهله بالبونية
هما عاوزين مننا ايه والنبي؟؟

بس الا منير يغني للريس دي
قهرتيني يا سمسما
بجد انقهرت

و حزام العفة ده ان شاء الله نروح علىلاشكرة و نخنق الست هانم اللي بتروج له

تحياتي

abderrahman said...

طب ما هو اكيد مجبر.. ده تكليف مش تشريف
يعني ميقدرش يقول لأ

Anonymous said...

يا سمسمة انتي وحفصة بتستهبلوا يعني
قلنا الكلام ده من زمان محدش صدقنا

وائل عباس

Simsima said...

البلوج نور يا حفصة ...شفتي منير عمل اتيه ، امال هاسمع مين يارب ، ويا وائل افندي اللي يشوف غير يسمع ولما منير غني أغنية هبلة للريس محدش خد باله أساسا، بس لما يقف قدام الغراب دا ساعتين يقول كل الأغاني بتاعتنا اللي احنا بنصدقها لما نغنيها يبقي حاجة تقهر
...........
وبعدين يا عبده باشا محمد منير بعد تلاتين سنة غنا وكل الجماهير دي بقي كبير كفاية انه يقول لأ...مش صعبة عليه

Never Tell said...

منير بجد صوت تحفه بس خمورجى ياعنى عادى حتى لو غنى لبوش

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

Anonymous said...

ومين لامؤاخذه عايزك تكسبيها؟
ياسمسمه الحياه أرزاق ولو رفض انه يغنى فى حفله زى دى يبقى بعد كده مش هانشوفه احنا كمان فى اى حفله لأنهم عايزينه هنا ولومارضيش اوكى مافيش اوبرا ومفيش ومفيش ومات الراجل من غير مايحقق حلمه انه يموت على المسرح مع جمهوره
بس ده مايمنعش انى بعترض على حزام العفه دى حاجه لامؤاخذه تيييييييييييييييييت

منتديات said...

Thanks for your

منتديات

زفات العروس

دردشة

شات

شات صوتي

مواضيع اسلامية

مواضيع عامة

Department of English Language

مكتبة مجنونات

أخبار الحوادث و الجرائم - اثارة

الترحيب و التعارف

همس القصيد

الخواطر وابداع الاقلام

Stories - قصص - قصص قصيره و الألغاز

الحياة الزوجية

عالم الرجل - ازياء - موضه - ماركات

ازياء واكسسورات

مكياج وشعر

ديكور - أثاث - غرف نوم - مطابخ - حمامات

صحة - طب بديل - تغذية - أعشاب - رجيم - اطفالنا

الطبخ والمأكولات

الفن والفنانين

الفيديو والافلام

الصوتيات و المرئيات و الفضائيات

الأغاني و الفيديو كليب

مقاطع الاغاني , اغاني

صرقعة و تنكيت وضحك

العاب الكمبيوتر اثارة

مسنجر - برامج ماسنجر - توبيكات

توبيكات

صور - كاريكاتير - مناظر

الرياضة والرياضيين

السيارات Motorcycles - Cars - سيارات - دراجات

سياحة وسفر

تطوير المواقع ، هاكات و سكربتات

الكمبيوتر و الإنترنت

بلوتوث - مقاطع جوال - فيديو الجوال

تصاميم و جرافكس - فلاش - سويتش - دروس

اسماء ومعاني

العاب فلاش

مكتبة البرامج

ماسنجرات

حكم وامثال

اسلاميات

المركز الاخباري

صحف ومجلات

تداول الاسهم

دليل المواقع

قصائد مسموعة

Brody said...

Thanks for your زفة عائشه ليل السعاده راشد الماجد زفه مشاعل والله وكبرتي الفنان عبدالمجيد عبدالله زفه عائشه الفنان يوسف العماني زفه عائشه القمر لو غاب الفنان اصيل ابو بكر زفه عائشه اسفر الكون الفنان راشد الماجد زفه عائشه هالليله عبدالمجيد عبدالله زفه عقد الالماس محمد عبده زفه حصه ليله وفيها شمس راشد الماجد وحسين الجسمي زفه منى احبك محمد عبده زفات زفات 2009 موقع زفات زفات اسلاميه زفات للعروس اغاني زفه اغاني زفاف زفات محمد عبده زفات راشد الماجد زفه حسين الجسمي زفه اسلاميه زفه شعريه زفه راشد الماجد موسيقى لمشيه العروس مقدمات وافكار لدخول العروس قصائد بمؤثرات موسيقيه بالاسماء زفات عامه للفنانين موسيقى زفات باسماء العروس زفات تنفيذ خاص بالاسماء اغاني التخرج واعياد الميلاد اهات ومؤثرات لمشيه العروس مقدمات وافكار لدخول العروس قصائد بمؤثرات اسلاميه بالاسماء زفات عامه للفنانين اسلامي زفات بالاسماء للفنانين اسلامي زفات تنفيذ خاص بالاسماء اسلامي زفات التخرج والسابع