Monday, June 20, 2011

التحرش وسنينه



لما فكرت في التدوينة دي لاقيت أفكار كتير بتجيلي وباستدعيها من حياتي اللي اكتشفت انها طويلة نسبيا ..وعميقة بحجم الخبرات اللي فيها..

التحرش الجنسي .. المصطلح دا ظهر بالوضوح دا ف وسائل الإعلام واشتغلت عليه منظمات المرأة يادويك في 2006 والمجتمع ساعة الحادثة دي اتعامل معاها بمزيد من الدهشة والاستغراب ودا طبعا عي أساس انهم اتصدموا ان دا بيحصل في بلد الألف مئذنة والمليون دش.

بس طبعا دي ظاهرة موجودة وبعنف من فترة مش قصيرة، بس لأن الست دايما بتتعامل علي انها غلطانه من باب الإحتياط فكان مدهش مثلا جدا ان نهي رشدي أول بنت في مصر تحصل علي حكم قضائي لصالحها في قضية تحرش..تقدر تصعد القضية وتروح بيها غاية المحكمة وتصر علي محاكمة المتحرش بيها.

بس كمان مش لازم ننسي ان قبل دا كله ..الشرطة ونظام مبارك كان بيعتمد اداء التحرش بالناشطات عشان يكسر عنيهم بنفس المنطق القذر والمنحط بتاع المتحرش العادي اللي بيشوف الست كائن ضعيف وهش وميقدرش يدافع عن نفسه فدا بيدله احساس أعلي بالذة..واللي حصل في الإستفاء في أبلغ دليل علي اننا كنا عايشين في ظل نظام متحرش بالأساس..

طيب كل اللي فات هي حاجات عامة شوية ويمكن ناس كتيره سمعت عنها..بس أنا زيي زي كل البنات أكيد حصل في حياتهم حادثة علي الأقل من النوع دا بس مش بتقولها ولا حتي بتحاول تفتكرها ..عشان في الغالب بتكون مؤلمة ..والحقيقية أنا لسه مش شجاعة كفاية أكتب حوادث من النوع دا.

بس أقدر أقولكوا اني شفت ستات وبنات كتير بجد بمناسبة شغلي وبمناسبة حياتي خلوني بجد أعرف ليه لازم ابقي بدافع عن حقوق جنسي..عنف منزلي وستات بيتضربوا معظم الوقت وبيتهانوا قدام عيالهم، زنا محارم وتحرشات بالبنات جوا بيوتهم...دا طبعا غير الشتيمة والتحقير اللي هوا بطبيعة الحال...بكلمكوا عن "مصر القديمة" - "كوم غراب" ..

سجن القناطر 2006 - عنبر جرائم النفس ..القتالين يعني..حكاوي الستات هناك في معظمها عشان حوادث من النوع دا..أب كان بيحاول يغتصب بنته فكان لازم تقتله .. واحدة بتشتغل في البيوت فطبعا بتتعامل علي انها متاحة أكتر فتدافع عن نفسها...وحكاوي كتيييييييييير تخليك تحس انك وقعت في فيلم لعاطف الطيب مثلا أو محمد خان

مفوضية شئون اللاجئيين .. نوع أقسي بكتير من القصص اللي يها علاقة بستات عانوا في بلدهم الأصلي واللي غالبا بتكون منطقة نزاع مسلح وحروب أهلية ..زي دارفور واريتريا واثيوبيا ........... وبيجوا يطلبوا اللجوء في مصر ، ولأننا أصلا شعب عنصري بالفطرة وفيه نسبة مش قليله من رجالته متحرشين بطبيعتهم برضه .. تخيلوا بقي ست + لاجئة + فقيرة + بشرتها سمرا في الغالب + ممكن جدا تكون مبتتكلمش عربي .. شوفوا بقي تركيبة زي دي ممكن يكون ايه نوع التحرشات اللي بتحصلها..

الحاجات اللي قلتها بسرعة دي محتاجة اكتبهالكوا بتفاصيل أكتر..لأنها بجد حكايات كتيرة..وأنا عندي امتحان بكره.

بس غاية بكره هاسيبلكوا حاجتين تقروهم وهما في رأيي الوسيلة الأنجح لمواجهة التحرش

1- http://www.youm7.com/News.asp?NewsID=389760
2-http://www.manalaa.net/cut_their_fucking_balls

5 comments:

NShawky said...

فعلا الحياة تفاصيل انا كمان اكيد عندى تفاصيل و مكنش عندى الجرأة احكيها بس مؤخرا حكيتها و دافعت عن نفسى و خرجت برة عباية انا مكسوفة من جرم حصل لى

Simsima said...

دا اللي ميتكلمشي يا كتر همه

موقع زفات said...

زفات
زفات
زفات
موقع زفات
زفات راشد الماجد
زفات حسين الجسمي
اغاني زفات
زفات محمد عبده
زفات اسلاميه
زفات 2012
افكار لدخلات العروس
زفه العروس
زفه جديده
زفه متميزه
زفه غنائيه
زفه راشد الماجد
زفه عبدالمجيد
زفه محمد عبده
زفه حسين الجسمي
زفه 2012
زفات العروس
زفات عبدالمجيد
زفات شعريه
قصائد للعروس
اغاني زفاف
زفات
موقع زفات
زفات راشد الماجد
زفات حسين الجسمي
اغاني زفات
زفات محمد عبده
زفات اسلاميه
زفات 2012
افكار لدخلات العروس
زفه العروس
زفه جديده
زفه متميزه
زفه غنائيه
زفه راشد الماجد
زفه عبدالمجيد
زفه محمد عبده
زفه حسين الجسمي
زفه 2012
زفات العروس
زفات عبدالمجيد
زفات شعريه
قصائد للعروس
اغاني زفاف
اغاني زفه
زفه معرس
دخلات للعروس
دخله للعروس
دخله للعروس
تجهيزات العروس
زفه اسلاميه
زفات دفوف
اغاني دفوف
اغاني فرح
زفه افراح
اغاني افراح
كوشه عروس

الافغانى said...

بصى انا شايف قضيه مهمه محدش بيكلم عنها ازاى المراه العامله مش اساسى فى مجتمعنا لا والادهى ان البنات خريجه الجامعه وفى القاهره كمان ممكن تترك عملها عشان قال ايه جالها عريس طب ما يكون فى صراحه والبنت تتمسك بعملها وسبنا بقا منن التخلف القيدم وقال ايه الراجل يصرف على الست وعشان كدا يتحكم فيها لازم الست تكون ندا لند فى المصاريف البيتيه وحتى لو الراجل عمل فيها بلطجى وعاوز ياخد فلوسها تقدر تفهمه انها بتشتغل وممن تسيسبه وتعيش لوحدها يعنى لازم نترك فكره ضل راجل والراجل عيبه جيبه

Michelle said...

دا اللي ميتكلمشي يا كتر همه